情況是這樣的: 一 罐 部入面裝滿了 沙甸魚 的 罐頭 往地面的電梯, 當它到達了地面的時候, 有另一批 沙甸魚 在門外, 你認為門外的人應該...:

1. 等候電梯排出魚
2. 在電梯排出的同時, 變身三文魚逆流而入
3. 不理裡面的沙甸魚, 先擠了進去再說

一般人都應該是1, 最多是2吧, 其實2都已經夠衰了
今天我竟然見到有人選3....當然, 若果我是旁觀者的話我是不會出聲的...
因為今天我就是受害者: 電梯落到樓下(地面), 門一開就有個........中年火星生物(雌性假定), 牠真的二話不說的向我衝過來...
大佬! 成電梯都係人呀! 唔係趕返工就係趕返學, 在情在理都唔應該「隊」埋來掛?
再者, 那隻生物又唔係有電燈柱咁纖巧, 就這樣一團三酸甘油脂封了門口....

『八婆, 係咪玩野呀?』心裡即時吶喊著。

我一向都很支持領導說「少說話, 多做事」的大道理
與其開聲牠也聽不懂, 不如行動實際一點...只是

我估不到在家也要跟人玩football...

然後還要給牠唸碎碎說有冇搞X錯....おい、こっちのセリフだろ？
我話你有冇搞X錯呀! 成[車立]人出到未出你隊埋嚟, 係咪玩野呀八婆! 係咪唔想見到聽日日出呀?
...都痴痴地線嘅...

---

結果就是待到回家臨睡才能發洩一番...
而且也感覺得到上星期的星期日檔案好像沒有播過一樣...